Ўзбекистон "ЭРК" Демократик партиясиКишан кийма, бўйин эгма, ки сен ҳам ҳур туғилғонсен!

Еmail орқали обуна

RSSга обуна

ХАБАРЛАР

ҚАСОС МАШИНАСИ (Малайлик мактаби домлалари ва ўқувчиларига)

Эрк партияси сизларга ўхшаб Каримов берган садақаларидан бола-чақасини боқаётгани йўқ!!! Жамиятдаги сизларга нисбатан нафрат бизнинг ташвиқотимиз билан эмас, ўзларингиз яратган диктатура сабабчи эканлигини яхши биласизлар.
ЭРК ғоявий-эътиқодий асосларда ташкил топган ва 1918 йилдан бери йўқ қилинолмади. Шу пайтгача Сталин-Каримов диктатурасига қарши фақатгина ғоявий курашиб келмоқда. Абдулла Қодирий, Абдулхамид Сулаймон Чўлпон, Махмудхужа Беҳбудийлар бизнинг устозларимиздир. Ҳам сиёсий, хамда ижодий маънода айтаяпман. Устозлар хам Истамбулда, Бакчасаройда, Бокуда, Оқмасжидда, Самарқандда ташкилотлар қуриб Турончилик ва Туркистон мустақиллиги ғояларини мухокама килишган. Партиялар ташкил килишган ва кураш йўлларини факат тинч йўлардан олиб боришган. Мана бизлар хам худди шу ғоя билан курашяпмиз. 20 йил хам шу шаклда ўтди. Баъзи “биров”ларнинг таъна-маъломат қилаётганларига жавобимиз шудир!
Дунёда энг осон сиёсат зулмга карши зулм сиёсатидир. Биз эплай олмаганимиздан эмас, зулмга карши қурол кўтаролмадик, балким яратиладиган ўлим машинаси хайдовчиси Каримов билан чегараланиб қолмаяжакдир. Бугун миллионларча йўқсиллар армияси маҳаллакомдан бошлаб қўшни бойваччалар, милиция, прокуратура, судя ва бутун раҳбарларни оммавий қира бошлайди. Юзмингларча инсон қочиб улгуролмайди. Ўзбекистондан қочганларни хам давлатлар тутиб қайтариб беради. Худди Қирғизистонга бераётгани каби. Каримов ва яқинларини чет элларда яшатишмайди. Сирли хисоб рақамлари сирлигича қолиши учун. Хатто Дубайда хам яшатишмайди. Дунё мафияси хамма ерда бир хил имконга эга. Мен Швейцарияда тирик қочқин президент кўрмадим. Қолганлар яъни майда вазир ёки ҳокимлар ишини осон ҳал қилишади.
Хулласи калом, Ўзбекистонда режим ўзгариши тинч йўл билан бўлиши керак! Яъни Каримов ва унинг “қонхўр” командаси истеъфо қилиши шарт!. Бу хам ўзлари учун, хам халқ учун энг мақбул йўлдир. Улар одил суд олдида жавоб беришади, албатта.
Аммо режим ва унинг малайлари шу даражага бориб етишганди-ки, моддий имконсиз, қуролсиз фақат ғоясидан бошка хеч нарсаси бўлмаган ЭРКнинг сабри чексиз деб ўйлашаяпти. Ўзбекистондан сургун қилинган миллионларча ишчи-мардикорлар армиясига нима керак? Ўзбекистонда тинч, адолатли режим ўрната оладиган миллий ғоя керак. Демак-ки, бирлашиш учун ғоя бор. Мана сизга ЭРКни хам берайлик. Яъни эркинлик берайлик. Партия нима қилса, сизлар ўйлагандан хам кучли бўлади? КУЧ деганда моддий-ми? Қуроллими? Малайлик қилишга ваъдалар бериб баъзи давлатлар пинжига кирайликми? Ёки… Мархамат қилиб виртуал оламда эмас, мардларча биз тарафга ўтинг. Барибир бир кун ағдариладиган бу “қонхур режим”дан кейин қочадиган жой изламанг. Сизлар ўлиб кетсангизлар ҳам, сизларни авлод аждодларингизни ўлдиришга қасам ичаётган юз-минглар бор. Чунки Каримов режими 20 йилда бир миллиондан ортиқ инсонларни қамоқларда ва терговхоналарда исканжалардан ўтказиб бўлди. Ва улардан кўплари ўлди, ўлдирилди, майиб мажруҳ қилинди. Бу бир миллион инсоннинг учтадан фарзанди бўлса, бу болаларнинг қалбидаги қасос туйғулари ўзлари билан ўсаяпти. Ва улар сизлардан қасос олишга қасам ичишган. Барибир бир кун яхшилик билан тугамайдиган “қон дарёси” устига қурилган Ислом Каримов тахтини ва унинг содиқ малайларини йўқ қиладиган ЎЛИМ МАШИНАСИнинг хайдовчиси ким бўлади? Бензинни қайси давлат беради? Қасам ичиб, қасос олишга шайланаётганларга адолатни ким ўрнатади ва бу адолатнинг шакли қандай бўлади.?

Сафар Бекжон
ЭРК партияси аъзоси
1 Май. 2010 йил

Муаллиф admin on May 2nd, 2010 рукни КУН МАВЗУСИ. You can follow any responses to this entry through the RSS 2.0. You can leave a response by filling following comment form or trackback to this entry from your site

Шарҳ ёзиш

Исм (шарт)

Mail (чоп этилмайди) (шарт)

Web-сайт