Ўзбекистон "ЭРК" Демократик партиясиКишан кийма, бўйин эгма, ки сен ҳам ҳур туғилғонсен!

Еmail орқали обуна

RSSга обуна

ХАБАРЛАР

Тошкентдаги отишмаларда айбланган 15 нафар судланувчига ҳукм чиқарилди

Жиноят ишлари бўйича Чирчиқ шаҳар суди 4 март куни Тошкент шаҳар бош имом хатиби Анвар қори Турсуновнинг ҳаётига суиқасдда, республика ички ишлар вазирлиги терроризмга қарши кураш бўлим бошлиғи Ҳасан Асадов ва “Кўкалдош” мадрасаси директорининг муовини Аброрхон Аброровнинг ўлдиришида ҳамда 2009 йил ёзида ва кузида Тошкентда содир бўлган отишмаларда айбланган ўн беш нафар судланувчига ҳукм чиқарилди.

Ўзбекистон Мустақил ҳуқуқ ҳимоячилари ташаббус гуруҳининг (ЎМҲҲТГ) маълум қилишича, судланувчилар 15 йилдан 18 йилгача озодликдан маҳрум этилдилар.

Тошкент вилоятининг турли туманларидаги учта суд жараёнлари ҳам ҳудди шунга ўхшаш натижа билан тугади. Маҳкумларнинг умумий сони 83 киши. Уларнинг ҳаммасига Ўзбекистон Жиноят кодексининг 29 та моддаси бўйича айблов қўйилган.

Суд мажлиси ўтказилиши тўғрисида судланувчиларнинг яқинлари огоҳлантирилмади, қариндошлар томонидан ёлланган адвокатлар на суд ва на тергов ишларига яқин келтирилмадилар. Уларни мажбурий равишда давлат томонидан тайинланган адвокатлар “ҳимоя” қилди.

Дастлабки маълумотларга кўра, ҳибсга олинганларнинг ҳаммасидан иқрорлик кўрсатмалари олиш учун тергов давомида қийноққа солинган.

ЎМҲҲТГ маълум қилишича, суд идоралари маҳкумларнинг қариндошларига “айблов хулосалари” ва ҳукмларни беришдан бош тортишмоқда. Уларнинг Бош прокуратура, Олий суд ва Ўзбекистон президентига мурожаатлари эътиборсиз қолмоқда.

uzbek.ferghana.ru

Муаллиф admin on Mar 6th, 2010 рукни ЖАМИЯТ, ИНСОН ҲУҚУҚЛАРИ. You can follow any responses to this entry through the RSS 2.0. You can leave a response by filling following comment form or trackback to this entry from your site

Шарҳ ёзиш

Исм (шарт)

Mail (чоп этилмайди) (шарт)

Web-сайт